Alpauftrieb 08. Juni 2019

Was scho wieder Alpziet !
Am 8.Juni isch es so wiet.

Dä Schnee isch entlich vergange
und Schof wänd uf d'Alp sie plange.

Was isch den jetzt no ?
Es paar Schof müend ä Tracker übercho.

Jetzt chönet sie sich nümmä versteckä,
über GPS cha sie jetzt Lisbeth entdeckä.

Dä weg uf d'Alp kennet diä meischtä Schofscho
und entlich chönet sie los goh.

Überä Schöbüehl söttet alli Schof goh,
dä Ernst chas fascht nid verstoh.

Plötzlich isch d'Lisbeth mit dä Briana ganz allei,
sind diä anderä wieder hei ?

Schnell het dä Ernst s'Händy zuckt,
wenn ich nid weiss was los isch werd ich no veruckt.

Wieder gots diä steili Planggä ufä,
meh chunt fascht nümmä zum schnuffä.

Dä Ernst het ä richtigi Rennbahn gmacht,
do mögets springä das einem z'Herz lacht.

Danke allnä wo ghulfä händ und es Grüessli vum Trosmmer so,
den isch d`Älpleri Lisbeth froh.

Danke an alli Helfer!!