Alpauftrieb 2018

Dä Roland, dä Ernst und d`Lisbeth sind am Fritig scho mit dä Langhalsschof ufä glofä.
D`Lisbeth het gmeint, mäh chön dä Sattel am Kihsu eifach alegä und scho het er sie mit em Huf troffä.

Dä Bolero het den diä Lascht übernoh,
er het den aber müeh gha mit em stoh.

Am Samstig sind mir den mit dä Schof «Weidswies» ufä glofä
und stellet üch vor, d`Schof hend sich nur zweimol verlofä.

D`Simone het gseit, was söll ich nur mache?
Das isch eifach nümmä zum Lache.

D`Lisbeth het Briana hindä nochä gschickt
und sie hät sich den diä cheibä Schof scho pickt.

Bis zur Hütte ufä isch es den ruhiger gangä,
mir hend keis Schöfli meh müesä fangä.

Hoffentlich bliebts dä ganzi Summer so,
den isch d`Älpleri Lisbeth froh.

Danke an alli Helfer!!