Alpauftrieb 2017

Fotos

Am 3.Juni treffet sich d`Bure am Morgä früeh,
nei , nei sie hend kei Chüeh.

Mit ihrnä Schof wird Hüt is Tros ufä glofä,
unterwägs hend mir nuch e huffä Lüt atrofä.

Schnell sind mir im Tros obe gsi,
jetzt isch dä Alpuftrieb scho wieder verbie.

S`Heidi het feini Älplermaccrone gmacht,
diä eine hend soviel gässe das Bänkli kracht.

Dä Heiri bringt schnell en grosse Chlotz,
jetzt hebet das Bänkli wieder potz potz.

Diä fröhlichi Rundi cha wieter goh,
zum Abschied hend mir nuch es Schnäpsli gno.

Am Sunntig händ dä Ernst, Martin, Lisbeth und Shana scho wieder en chlinä Alpufzug gha
mit dä Alpaka und Lama.

S`Wetter het nid so richtig wellä mit mache,
d`Sunnä isch nid emol führe cho go lache.

I dä Hütte hend mir nuch diä restliche Älplermaccrone gnossä,
und dussä isch dä Räge in strömä gflossä.

Jetzt sind alli Tierli uf dä Alp Tros,
hoffentlich wird dä Alpsummer famos.